आठवड्यातच सोने– चांदी तीन हजाराने महामगले; रशिया-युक्रेनच्या युद्धाचा परिणाम

जळगाव : रशिया व युक्रेनमध्ये युध्द सुरू आहे. याचा परिणाम सोने, चांदीच्या बाजारावर झाला आहे. युध्दामुळे सोने, चांदीच्या दरात सातत्याने वाढ होत आहे. आजतर चांदीचे दर ७० हजारांवर (प्रतिकिलो) पोचले आहे. नुसतेच चांदी नाही तर या आठवड्यात सोने (Gold) व चांदीचे दर तीन हजाराने महागले आहे. (jalgaon news Gold and silver rose by three thousand in a week russia Ukraine war impact)

रशिया व युक्रेनमधील युद्धाचा (Russia Ukraine War) परिणाम शेअर बाजाराबरोबरच तेल, सोने, चांदी आदी वस्तूवर होत असून त्यांच्या किंमती वाढतच आहे. युध्द सुरू होण्यापूर्वी चांदीचा प्रतिकिलो दर ६३ हजार ते ६४ हजार असा होता. तो आज चक्क सत्तर हजारावर पोचला आहे. सोन्याच्या दरातही (Gold Price) तब्बल दीड हजारांची वाढ युध्द कालावधीत आतापर्यंत झाली आहे. आज सोन्याचा दर ५३ हजार प्रतितोळा (दहा ग्रॅम) आहे.

दरवाढीने दागिन्‍यांची मोड

सोन्यातील गुंतवणूकदार मात्र सोने, चांदीच्या (Silver) दरामुळे चक्रावले आहेत. अनेकांनी सोने, चांदी घेणे थांबविले आहे. तर काहींनी दरवाढीचा लाभ पदरात पाडून घेण्यासाठी सोने, चांदीचे दागिने विकण्यास काढले आहेत, असे चित्र सोने बाजारात आहे.

काही दिवसांतील सोने, चांदीचे दर ‘जीएसटी’ विना असे

तारीख--सोने (प्रतितोळे)--चांदी प्रतिकिलो

१ मार्च--५० हजार ८००--६७ हजार

३ मार्च--५१ हजार ३००--६८ हजार ५००

४ मार्च--५१ हजार ९००--६९ हजार

५ मार्च--५३ हजार ---७० हजार