बैलगाडीवर अचानक तुटून पडली विद्युत तार; शेतकऱ्यासह एका बैलाचा मृत्‍यू

यावल (जळगाव) : बैलगाडीने शेतात जात असलेल्या शेतकऱ्याच्या बैलगाडीवर वीज खांबावरील विद्यूत तार तुटून पडली. यात शेतकऱ्यासह एक बैल जागीच ठार (Death) झाल्याची दुदैवी घटना आज सकाळी साडेआठ वाजेच्या सुमारास चिखली बुद्रुक (ता. यावल) शिवारात घटली. या घटनेने परिसरात हळहळ व्यक्त होत आहे. (Jalgaon News Farmer Death)

यशवंत कामा महाजन (वय ६२) (रा.चिखली बुद्रुक ता.यावल) असे मृत शेतकऱ्याचे (Farmer) नाव आहे. यशवंत महाजन हे चिखली येथे आपल्या परिवारासह राहत होते. शेती करून आपला उदरनिर्वाह करत होते. नेहमीप्रमाणे ते आज (१ सप्‍टेंबर) सकाळी साडेआठ वाजेच्या सुमारास बैलगाडीने (Bullock Cart) चिंखली बुद्रुक शिवारातील शेतात रस्त्याने जात होते.

अचानक तार तुटली

याचवेळी अचानक विद्युत खांब्यावरील तार तुडून बैलगाडीवर पडली. यात वीजेच्या तीव्र झटक्याने यशवंत महाजन आणि एक बैल जागीच ठार झाल्याची दुदैवी घटना घडली. घटनेची माहिती मिळताच स्थानिक ग्रामस्थ व वायरमन यांनी धाव घेतली. सुरूवातीला विद्युत प्रवाह बंद करण्यात येवून त्यांना तातडीने येथील ग्रामीण रुग्णालयात दाखल करण्यात आले. मात्र वैद्यकीय अधिकाऱ्यांनी त्यांना मृत घोषित केले. फैजपूर पोलिस ठाण्यात अकस्मात मृत्यूची नोंद करण्यात आली आहे.