Jalgaon Rain: जिल्ह्यात दुष्काळ सदृश्य परिस्थिती; पावसाअभावी खरीप हंगाम वाया जाण्याची भीती

जळगाव : जळगाव जिल्ह्यासह राज्यात गेल्या काही दिवसांपासून पावसाने पाठ फिरवली आहे. यामुळे दुष्काळाचे सावंत निर्माण झाले आहे. (Jalgaon) जळगाव जिल्ह्यात देखील हीच परिस्थिती असून महिनाभरापासून पावसाने (Rain) पाठ फिरवली असल्याने खरीप हंगाम वाया जाण्याची भीती शेतकरी वर्गातून व्यक्त केली जात आहे. (Latest Marathi News)

साधारण १५ ते ३० दिवसांपासून पावसाने पाठ फिरवली आहे. पाऊस नसल्याने जळगाव जिल्ह्यातील तापमान ३५ अंशाच्या जवळ गेले आहे. यामुळे जमिनीला भेगा पडू लागल्या असून पिकांना पाण्याची गरज निर्माण झाली आहे. पावसाने पाठ फिरवली असल्याने शेतातील पिकं करपू लागली आहेत. शिवाय धरण देखील भरली नसल्याने पिण्याचा पाण्याचा प्रश्न निर्माण झाला आहे. अनेक गावांमध्ये ट्रॅकरद्वारे पाणी पुरवठा केला जात आहे. 

४० टक्केच पाऊस 

जिल्ह्यात आतापर्यंत वार्षिक सरासरीच्या फक्त ४० टक्के इतका पाऊस पडला आहे. ऑगस्ट महिना संपला, तरीपण दमदार पाऊस पडलेला नाही. दुष्काळ सदृश्य परिस्थितीमुळे शेतकऱ्यांचा (Farmer) धीर सुटू लागलाय. पुढच्या चार-पाच दिवसात पाऊस पडला नाही; तर खरीप हंगाम वाया जाण्याची भीती आहे. उधार उसनवार करून पैसे जमवले आणि पेरणी केली. पण निसर्गाने दगा दिल्याने आता उधारीचे पैसे द्यायचे कसे हा प्रश्न शेतकर्यांसमोर आहे.