जळगाव : महावितरणकडून नवीन वीज कनेक्शनसाठी अर्ज केला. मात्र वीज मीटर लवकर बसवून देण्यासाठी महावितरणच्या (varangaon) वरणगाव शहरातील वरिष्ठ तंत्रज्ञाने लाचेची मागणी केली. या प्रकरणात १ हजार रुपयांची (Bribe) लाच स्वीकारताना जळगाव एसीबीने ताब्यात घेतले आहे. (Breaking Marathi News)
वरणगाव (ता, भुसावळ) येथील अमीन शहा करामत शहा (वय ३३) असे लाचखोर वरिष्ठ तंत्रज्ञाचे नाव आहे. वरणगाव शहरातीलच तक्रारदार यांच्या घराला नवीन वीज मीटर बसवण्यासाठी त्यांनी वीज कंपनीकडे (Mahavitaran) ऑनलाईन अर्ज केला होता. यासाठीची डिमांड नोट देखील भरली होती. दरम्यान तक्रारदार यांनी वायरमन अमीन शहा यांना वीज मीटर कधी बसवणार; याबाबत विचारणा केली असता शहा यांनी दोन हजार रुपयांची मागणी केली. याबाबत तक्रारदाराने (Jalgaon ACB) जळगाव लाचलुचपत प्रतिबंधक विभागाकडे तक्रार दिली.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
दरम्यान १२ मार्चला एसीबीने सापळा रचला. मात्र तक्रारदाराचे हावभाव पाहून वायरमन अमीन शहा यांना संशय आला व त्यांनी तक्रारदाराकडील व्हाईस रेकॉर्डर काढून त्याची मोडतोड केली. मात्र तत्पूर्वी त्यात एक हजार रुपये लाच मागणी केली असल्याचे स्पष्ट झाले. एसीबीने लागलीच लाच मागणी केल्याप्रकरणी संशयिताला अटक करत वरणगाव पोलीस स्टेशनला गुन्हा दाखल केला.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
