Leopard Attack : अंगणात खेळत असलेल्या चिमुकलीवर बिबट्याची झडप; मुलगी गंभीर जखमी

Chandrapur News : पाणीच्या शोधात ते वस्ती असलेल्या परिसराकडे जात असून यात पशु व मानवावर हल्ला करत असल्याच्या घटना देखील वाढल्या आहेत.
Leopard Attack
Leopard AttackSaam tv

चंद्रपूर : पाणी व शिकारीच्या शोधात बिबटे शहर वस्ती परिसरात येत आहेत. अशाच प्रकारे चंद्रपूर (Chandrapur) जिल्ह्यातील बल्लारपूर शहराच्या सीमावर्ती भागात दीनदयाल वार्डात आलेल्या बिबट्याने (Leopard) अंगणात खेळत असलेल्या चिमुकलीवर हल्ला करत उचलून नेले. या हल्ल्यात सात वर्षीय बालिका गंभीर जखमी झाली आहे. (Latest Marathi News)

Leopard Attack
Solapur Temperature : कडक उन्हाने सोलापूर तापले; पारा चाळीस अंशाजवळ

मागील काही दिवसांपासून शहर व गाव परिसरात बिबट्यांचा वावर वाढला आहे. शिकार व पाणीच्या शोधात ते वस्ती असलेल्या परिसराकडे जात असून यात पशु व मानवावर हल्ला करत असल्याच्या घटना देखील वाढल्या आहेत. अशाच प्रकारे बल्लारपूर शहराच्या सीमावर्ती भागातील दीनदयाल वार्डात अंगणात खेळत असलेल्या साफिया इकबाल शेख या चिमुकलीला बिबट्याने अचानक हल्ला (Leopard Attack) करत उचलून नेले. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

Leopard Attack
Jalgaon News : गिरणा नदीच्या पुलावरुन पडून इसमाचा मृत्यू

सोबत खेळत असलेल्या तिच्या बहिणीने घराकडे धूम ठोकून आपल्या काकांना ही माहिती सांगितली. काका अन्वर शेख यांनी घटनास्थळी धाव घेत बिबट्याला हुसकावून लावत त्याच्या तावडीतून साफियाला सोडविले. आधी बल्लारपूर रुग्णालय व नंतर आता चंद्रपूर जिल्हा सामान्य रुग्णालयात तिच्यावर उपचार सुरू आहेत. दीनदयाल वार्डातील बिबट्याच्या हल्ल्याच्या घटनेनंतर नागरिकांमध्ये संताप व्यक्त होत आहे.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com