Mangesh Chavan News : चार लोक बरडले म्हणून निकाल बदलत नाही; भाजप आमदार मंगेश चव्हाण यांचा विरोधकांवर निशाणा

जळगाव : तीन राज्यात भाजपने विजय मिळविला. यावरून दिसते कि देशातील जनता ही भाजप व मोदी यांच्यासोबत आहे. मात्र ठराविक नेते वातावरण खराब करण्याचा प्रयत्न करत होते. या निकालातून जनता कोणाबरोबर आहे हे त्यांना स्पष्ट झालं असून चार लोक बरडले म्हणून निकाल बदलत नसल्याचे (Mangesh Chavan) आमदार मंगेश चव्हाण म्हणाले. (Live Marathi News)

चार राज्यांच्या निवडणुका या पार पडल्या यात तीन राज्यांमधील निवडणुकांमध्ये भाजपला बहुमत मिळाले असून या विजयाचा जळगावत भाजप पदाधिकारी व कार्यकर्त्यांच्या वतीने मोठा जल्लोष करण्यात आला. या विजयानंतर आमदार मंगेश चव्हाण यांनी प्रतिक्रिया दिली आहे. चार राज्यांच्या विधानसभेच्या निवडणुकीची ही फक्त झलक होती. तर लोकसभेला विरोधक कुठेही दिसणार नसून औषधाला देखील विरोधक करू शकणार नाही; असे चित्र या निकालानंतर स्पष्ट झाल्याचे आमदार मंगेश चव्हाण यांनी म्हटले आहे..

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

जळगावात भाजपच्या वतीने जल्लोष

निकालानंतर तीन राज्यात भाजपने विजय प्राप्त केला. यानंतर जळगाव भाजपकडून ढोल ताशांच्या गजरात नाचून तसेच एकमेकांना पेढे भरत भाजप कार्यकर्त्यांच्या वतीने आनंद साजरा केला. जळगावच्या भाजप कार्यालयात पदाधिकारी कार्यकर्त्यांनी एकत्र येत ढोल ताशांच्या गजरावर नृत्य करत तसेच एकमेकांना पेढे भरवत भाजप पदाधिकारी व कार्यकर्त्यांच्या वतीने आनंद उत्सव साजरा करण्यात आला. यावेळी मोठ्या संख्येने पदाधिकारी कार्यकर्त्यांची उपस्थिती होती.