जळगाव : लहान मुलांचे, नेते मंडळींचे वाढदिवस जोरदार साजरे केले जातात. परंतु, घोड्याचा वाढदिवस जल्लोषात साजरा झाला. हे ऐकून नवलच वाटेल. पण हे खरं आहे. घोडा हा घरातला सदस्य असल्‍याचे मानून जळगावातील (Jalgaon) धनगर कुटूंबियांनी त्यांच्या घोड्याचा वाढदिवस जल्लोषात साजरा केला. या अनोख्या वाढदिवसाची जळगावात एकच चर्चा रंगलीय. (jalgaon news Birthday celebration of a horse in Jalgaon)
जळगाव शहरातील गोपाळपुरा परिसरात वास्‍तव्‍यास असलेले ज्ञानेश्वर अरुन धनगर यांचा मुलगा वैभवच्‍या वाढदिवशीच त्यांनी चंद्रपूरहून घोडा (Horse) खरेदी केला. घोड्याचा सांभाळ करत असतानाच त्याच्याविषयी लळा लागला. धनगर कुटुंबियांनी घोड्याचे नाव गुरू ठेवले. सात वर्षांच्या गुरूला त्यांनी नृत्य, दोन पायावर चालण्याचे प्रशिक्षणही दिले. लग्नांमध्येही गुरू वाद्यांच्या तालावर नृत्य करुन अनेकांच लक्ष वेधतो.
बॅनर लावून कापला केक
वैभवचा १५ जानेवारीला वाढदिवस. तर घोडा गुरूही आपल्या घरातील सदस्य आहे, आपला मुलगाच आहे असे मानत ज्ञानेश्वर धनगर यांनी घोडा गुरूचा जल्लोषात वाढदिवस साजरा केला. बॅनर लावुन आकर्षक पध्दतीने सजावट करत केक कापून धनगर कुटुंबाने गुरुचा जल्लोषात वाढदिवस साजरा केला. अशाप्रकारे जल्लोषात वाढदिवस साजरा करून धनगर कुटूंबियांनी एका घोड्याप्रती कृतज्ञता व्यक्त केली. या वाढदिवसाची पोस्‍ट सोशल मीडियावर (Social Media) व्‍हायरल झाला.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
