ट्रॅक्टर पलटी होवून तिघांचा जागीच मृत्‍यू

भडगाव (जळगाव) : कोठली रस्त्यावर मयुरेश लॉन्सजवळ ट्रॅक्टर पलटी होऊन तिन जणांचा जागीच मृत्यू झाल्याची घटना रात्री दहाच्या सुमारास घडली. याबाबत उशिरापर्यंत भडगाव पोलिस स्टेशनला अपघाची (Accident) नोंद करण्यात आली. (jalgaon news accident tractor overturned and three died on the spot)

भडगाव -कोठली रस्त्यावर बुधवारी रात्री दहा वाजेच्या सुमारास मयुरेश लॉन्सच्या पुढे ट्रॅक्टर पलटी झाल्याने त्यात जागीच तिन जणांचा मृत्यु (Death) झाल्याची घटना घडली. उशिरापर्यंत पर्यंत मयताची ओळख पटविण्याचे काम सुरू होते. दरम्यान त्यातील एक यशवंतनगर, दुसरा टोणगावातील तर तिसरा जुन्या भडगाव शहरातील असल्याची माहिती मिळाली आहे. तिघांचे मृतदेह शवविच्छेदनासाठी भडगाव ग्रामीण रूग्णालयात (Hospital) आणण्यात आले होते. तर उशिरापर्यंत अपघाताची नोंद घेण्याचे काम सुरू होते. ट्रॅक्टर कसे पलटी झाले हे समजु शकले नाही.