भीषण अपघात..ॲपेरिक्षाला ट्रकची धडक; तीघांचा जागीच मृत्‍यू

जळगाव : जामनेर भुसावळ (Bhusawal) रस्त्यावर गारखेडाजवळ ॲपेरिक्षा व ट्रकचा भीषण अपघात (Accident) झाला. ट्रकने दिलेल्या धडकेत तीन जणांचा जागीच मृत्यू झाला. तर ४ जण गंभीर जखमी झाले आहेत. जखमींना रुग्णालयांमध्ये दाखल करण्यासाठी मदत सुरू केली आहे. (jalgaon-news-accident-news-riksha-hit-by-truck-The-three-died-on-the-spot)

जामनेर (Jamner) ते गारखेडा दरम्यान सदर अपघात सकाळी झाला. लाकडाने भरलेला (एमएच. २१, ६०४५) या ट्रकने व प्रवासी घेऊन जात असलेली पॅजोरिक्षाला (एमएच १९, एई ९१५८) धडक दिली. या धडकेत पॅजो रिक्षातील ३ जणांचा जागीच मृत्यू (Death) झाला आहे. तर दहापेक्षा जास्त प्रवासी जखमी झाले आहेत. यातील चौघाची प्रकृती गंभीर असल्याने त्यांना जी. एम. फाउंडेशनच्या कार्यकर्त्यांनी रुग्णालयात दाखल करण्यात आले आहे.

रिक्षातून क्षमतेपेक्षा जास्‍त प्रवाशी

एसटी सेवा बंद असल्‍याने खासगी प्रवाशी वाहतुकींशिवाय पर्याय राहिलेला नाही. खासगी वाहनधारक देखील क्षमतेपेक्षा जास्‍त प्रवाशी भरून प्रवाशी वाहतुक करत आहे. ॲपेरिक्षामध्‍ये देखील जास्‍त प्रवाशी बसविले जात आहेत. अशाच प्रकारे प्रवाशी भरून जात असलेल्‍या रिक्षाला धडक दिल्‍याने यात तीघांचा मृत्‍यू झाला.