जळगाव : सोशल मिडीयावरील इन्स्टाग्रामवर मुलीशी अगोदर ओळख केली. नंतर मैत्री करून तुला गिप्ट पाठवतो असे सांगून तब्बल ६ लाख ४९ हजार रूपयांची ऑनलाईन फसवणूक (Fraud) केल्याचा धक्कादायक प्रकार समोर आला आहे. (Jalgaon Cyber Crime)
यावल (Yawal) पोलिस ठाणे हद्दीत वास्तव्यास असलेल्या २७ वर्षीय तरूणीची ऑगस्ट २०२२ मध्ये एका डॉ. मार्क नावाच्या व्यक्तीशी इन्स्टाग्रामवर (Instagram) ओळख झाली. संबंधीताने ओळख निर्माण करून मैत्री केली. त्यानंतर त्याने तरूणीचा व्हॉटसॲप नंबर मिळविला. तरूणीचा विश्वास संपादन करून गिफ्ट पाठवीत असल्याचे सांगून वेळोवेळी (Cyber Crime) तरूणीकडून पैसे मागितले.
साडेसहा लाख मागविले
वेगवेगळ्या बँक खात्यांवर तब्बल ६ लाख ४९ हजार रुपये मागवले. तसेच पैसे ऑनलाईन स्विकारून कोणतेही गिफ्ट न पाठवता तरुणीची फसवणूक केली. याप्रकरणी फसवणुक करणार डॉ. मार्क नामक व्यक्ती विरोधात जळगाव सायबर पोलिसात गुन्हा दाखल करण्यात आला आहे. पुढील तपास पो.नी.लीलाधर कानडे करीत आहेत
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
