जळगाव : दुकानातील दिवसभर झालेले पैसे घेऊन ईश्वर मेघाणी (सिंधी कॉलनी) घराकडे निघाले होते. या ड्रायफ्रुट व्यापाऱ्याकडे असलेली आठ लाखांची रोकडची बॅग ट्रिपलसीट भामट्यांनी हिसकावून (Robbery) पसार झाले. जिल्‍हापेठ पोलिसांत (Police) या प्रकरणी गुन्ह्याची नोंद करण्यात आली आहे. (Live Marathi News)
जळगाव शहरातील सिंधी कॉलनी येथील ईश्वर मेघाणी हे ड्रायपूटचे व्यापारी आहे. यांचे दाणा बाजार येथे दुकान आहे. बँकेत भरणा करण्यासाठी सोमवार (ता.२३) त्यांनी आठ लाख रूपयांची रक्कम बॅगेत ठेवली होती. पण, बँकेत भरणा करता न आल्याने सदर रक्कम रात्री दुकान बंद केल्यावर दुचाकीने घराकडे निघाले होते. राधाकृष्ण मंगल कार्यालायाजवळील गणेशवाडीकडे वळण घेतांना अचानक रस्त्यावर दबा धरून बसलेल्या दोघांनी मेघाणी यांच्या दुचाकीला लावलेली पैशांची बॅग हिसकावून पुर्वीपासुनच दुचाकी सुरु ठेवुन तयारीतच असलेल्या भामट्यासोबत पोबारा केला.
दूरपर्यंत केला पाठलाग
मेघाणी यांची बॅग हिसकावल्यावर मेघाणी यांनी आरडा ओरड केल्यावर त्यांच्या मागून आलेले अमर कारडा यांच्यासह त्यांनी त्या चोरट्याचा पिच्छा केला. मात्र, सुसाट वेगात हे भामटे पळून जाण्यात यशस्वी ठरले. चोरट्यांनी पळवून नेलेल्या बॅगेत मेघाणी यांचा लॅपटॉपसह, मोबाईल फोन होता. त्याच्याद्वारे संशयीतांचा तांत्रिक शोध सुरु असतांना राष्ट्रीय महामार्गावरील खेडी गावापर्यंत मोबाईल सुरु होता. मात्र, यानंतर बंद केला.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
