जळगाव : जळगाव शहरात एका महाविद्यालयापासून जवळच असलेल्या एका कॉफी शॉपमध्ये तरुण- तरुणी अश्लील चाळे करत असल्याचा धक्कादायक प्रकार समोर आला आहे. या कॉफी शॉपच्या दुकानावर पोलिसांनी छापेमारी केल्यानंतर आतमध्ये तरुण व तरुणी नको त्या अवस्थेत आढळून आले आहे. यामुळे परिसरात खळबळ उडाली असून या प्रकरणी कॅफे चालकाविरुद्ध गुन्हा दाखल करण्यात आला आहे.
जळगाव शहरातील रामानंद नगर पोलीस स्टेशन अंतर्गत असलेल्या गोल्ड जीमच्या पुढे काही अंतरावर चॅट अड्डा नावाने कॉफी शॉप चालविण्यात येत आहे. या शॉपमध्ये एका गाळ्यात प्लायवूडचे कंपार्टमेंट तयार केले आहे. या ठिकाणी तरुण- तरुणींचे अश्लिल चाळे सुरू असतात व त्यासाठी जागा उपलब्ध करुन दिल्याची माहिती रामानंदनगर पोलिस ठाण्याचे पोलिस निरीक्षक राजेंद्र गुंजाळ यांना मिळाली.
अश्लील चाळे करताना सापडले
मिळालेल्या माहितीनुसार कारवाईच्या सूचना दिल्या. त्यानुसार गुन्हे शोध पथकाने या कॉफी शॉपवर छापा टाकला. या कॅफेमध्ये काही तरुण- तरुणी अश्लिल चाळे करताना आढळून आले. तसेच पोलिसांनी कॉफी शॉपमधील काही जागेची व डस्टबीनची पाहणी केली असता त्यात निरोध देखील सापडून आले आहे. कारवाईत पोलिसांनी तरुण- तरुणींना ताब्यात घेत त्यांची चौकशी केली. तसेच त्यांना तोंडी समज देऊन सोडले.
कॅफे चालकावर गुन्हा दाखल
सदरची कारवाई ८ ऑक्टोम्बरला दुपारी करण्यात आली. पोलिसांनी कॅफे चालकाची देखील चौकशी केली. तर कॉफी शॉपचा परवाना देखील लावला नसल्याचे येथे दिसून आले. दरम्यान याप्रकरणी रामानंदनगर पोलिसात कॅफे चालविणाऱ्या मयुर धोंडू राठोड (वय २५) याच्याविरुद्ध गुन्हा दाखल करण्यात आला आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.