Jalgaon News: गोणपाटात आढळले महिलेची साडी, बांगड्या अन्‌ हाडांचा सांगाडा

गोणपाटात आढळले महिलेची साडी, बांगड्या अन्‌ हाडांचा सांगाडा
Jalgaon Crime News
Jalgaon Crime NewsSaam tv

चाळीसगाव (जळगाव) : कन्नड घाटामध्ये बोढरे शिवारामध्ये एका महिलेच्‍या मृतदेहाचा हाडाचा सांगाडा (Crime News) आढळून आला. यासंदर्भात वनपाल दीपक किशन जाधव यांनी फिर्याद दिली आहे. याप्रकरणी अज्ञात इसमाविरुद्ध ग्रामीण पोलीस (Police) ठाण्यात गुन्हा दाखल करण्यात आला आहे. (Tajya Batmya)

Jalgaon Crime News
H3N2 VIRUS : छत्रपती संभाजीनगरमध्ये H3N2 चे ११ रुग्ण

पोलीस सूत्रांकडून मिळालेल्‍या माहितीनुसार कन्नड घाटाच्या पायथ्याशी असलेल्या दर्ग्यापासून अंदाजे दोनशे मीटर अंतरावर काटेरी झुडपात एका गोणपाटात मृतदेहाचे हाडे आढळून आले. एका अज्ञाताने महिलेचा खून करून मृतदेह आणून फेकल्याची शक्यता वर्तविली जात आहे. पोलिसांनी पंचनामा करीत हाडाचा सांगाडा जप्त केला आहे.

दोन महिन्‍यांपुर्वी हत्‍येची शक्‍यता

गोणपाटात हाडे, केस, कवटी, महिलेची साडी, ब्लाऊज परकर तसेच बांगड्या असे आढळून आले आहे. पोलिसांच्‍या माहितीनुसार दोन ते तीन महिन्यांपूर्वी महिलेची हत्या करुन मृतदेह गोणपाटात भरुन विल्हेवाट लावण्यात आल्याची शक्यता पोलिसांनी व्यक्त केली आहे. पुढील तपास ग्रामीण पोलीस निरीक्षक ज्ञानेश्वर जाधव करीत आहेत.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com