Jalgaon News: वेस्टइंडीजमधील भारताचे राजदूत डॉ. श्रीनिवासा यांची मंगळग्रह मंदिराला भेट

अमळनेर (जळगाव) : वेस्टइंडीजमधील भारताचे राजदूत डॉ. के. जे. श्रीनिवासा यांनी अमळनेर (Amalner) येथील मंगळग्रह मंदिराला भेट देऊन मंगळ ग्रहाची महापूजा केली. पहाटे श्रीनित्यप्रभात मंगलाभिषेक केल्यानंतर मनाला अलौकिक मनःशांती लाभली असून, मन प्रसन्न झाले असल्‍याची प्रतिक्रीया त्‍यांनी यावेळी दिली. (Live Marathi News)

वेस्टइंडीजमधील गयाना देशाचे राष्ट्रपती मोहम्मद अली इरफान हे भारत दौऱ्यावर होते. या दौऱ्याप्रसंगी भारताचे राजदूत डॉ. के. जे. श्रीनिवासा हे देखील त्यांच्यासमवेत भारताच्या दौऱ्यावर आले. याच पार्श्वभूमीवर त्यांनी अमळनेर येथील मंगळ ग्रह मंदिराला भेट दिली. दरम्यान यावेळी मंगळ ग्रह संस्थांनच्या वतीने डॉ.के जे श्रीनिवासा यांचा सन्मान करण्यात आला.

धर्म, अध्‍यात्‍मावर श्रद्धा

श्री मंगळग्रह मंदिरात पहाटे श्रीनित्यप्रभात मंगलाभिषेक केल्यानंतर मनाला अलौकिक मनःशांती लाभली असून, मन प्रसन्न झाले आहे. मंदिरात स्वच्छ, सुंदर व प्रसन्न वातावरणात सकारात्मक उर्जेची अनुभूती मिळाली. मी जरी अधिकारी असलो तरी धर्म व अध्यात्मावर माझी श्रद्धा आहे, असे प्रतिपादन वेस्टइंडिज येथील भारतीय राजदूत डॉ. के.जे. श्रीनिवासा यांनी केले. भारताच्या परोपकारी, सहिष्णू धोरणाबाबतही त्यांनी भाष्य केले.