Jalgaon Accident : ट्रॅकची दुचाकीला धडक; दोन जण जागीच ठार

भुसावळ (जळगाव) : जळगावकडे जाणाऱ्या दुचाकीस भरधाव ट्रॅकने मागून जोरदार धडक दिली. या अपघातात (Accident) दोघांना चिरडून तब्बल चौदा किलोमीटर दुचाकी ओढत नेल्याची घटना १५ फेब्रुवारीला (Jalgaon) सायंकाळी घडली. या घटनेत दोघा दुचाकीस्वारांचा जागीच मृत्यू झाला, (Tajya Batmya)

जळगावच्या दिशेने जाणाऱ्या दुचाकीस भरधाव ट्रकने मागील बाजूस धडक देऊन दुचाकीस्वार जितेंद्र राठोड (वय ४०) तर याच्या सोबत असणाऱ्या दुसऱ्या व्यक्तीला ट्रकचालकाने चिरडले. मृत झालेल्या दोघांना (Bhusawal) राष्ट्रीय महामार्ग रुग्णवाहिकेमधून ट्रामा केअर सेंटरमध्ये विच्छेदनासाठी पाठविण्यात आले आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

टोलनाक्यावर पोलिसांनी रोखले 

अपघात झाल्यानंतर दुचाकी ट्रकच्या समोरील दोन्ही चाकांच्या मधोमध अडकली. तरी देखील ट्रकचालकाने ट्रक न थांबविता तब्बल दुचाकी चौदा किलोमीटर ओढून नेली. नशिराबाद टोलनाक्याजवळ पोलिसांनी ट्रक थांबवून ट्रकचालक व किन्नर या दोघांना ताब्यात घेतले.