जळगावच्या जामनेर तालुक्यातील गारखेडा येथून भीषण अपघाताची घटना उघडकीस आली आहे. प्रवासी वाहतूक रिक्षा आणि सिमेंट मिक्सर वाहनाचा अपघात घडला आहे. या भीषण अपघातात २ जणांचा मृत्यू झाला आहे. तर, ७ जण गंभीर जखमी असल्याची माहिती आहे. दरम्यान, अपघाताची माहिती मिळताच पोलिसांनी घटनास्थळी धाव घेतली. हा अपघात नेमका कसा घडला? याचा तपास सुरू आहे.
मिळालेल्या माहितीनुसार, निकिता गोपाळ निंबाळकर (वय वर्ष २१) असे मयत तरूणीचे नाव आहे. तर, श्रीराम गुरु भैया (वय वर्ष ३२) असे दुसऱ्या मयत व्यक्तीचे नाव आहे. या अपघातात मृत झालेल्या निकिता निंबाळकर हिचा काही दिवसांपूर्वीच साखरपुडा झाल्याची माहिती समोर आली आहे.
रिक्षामध्ये काही प्रवासी प्रवास करीत होते. घटनेच्या दिवशी भरधाव रिक्षा आणि सिमेंट मिक्सर वाहनाचा अपघात घडला. अपघात इतका भीषण होता की रिक्षाचा चुराडा झाला. या घटनेनंतर स्थानिक लोकांनी घटनास्थळी धाव घेतली. तसेच पोलिसांना या घटनेची माहिती देण्यात आली. यानंतर बचावकार्याला सुरूवात झाली.
मृत व्यक्तींना शवविच्छेदनासाठी रूग्णालयात पाठवले. तसेच सर्व जखमींना तातडीने प्राथमिक उपचार नंतर जळगावच्या जिल्हा रुग्णालयात हलवण्यात आले आहे. निंबाळकर कुटुंब भुसावळ येथे लग्नकार्य आटपून जामनेर तालुक्यातील चिंचखेडा येथे परतत होते. या दरम्यान गारखेडा गावाजवळ समोरून येणाऱ्या रस्त्याचे काम करणाऱ्या सिमेंट मिक्सर वाहनाची धडक झाल्याने भीषण अपघात झाला.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.