धक्कादायक : प्रियकराच्या मदतीने पत्नीने केली पतीची हत्या, दारु पाजून नदीपात्रात बुडवलं

चंद्रपूर : पत्नीने पतीच्या हत्येसाठी पंधरा हजारांची सुपारी दिल्याचा धक्कादायक खुलासा चंद्रपूर जिल्ह्यातील (Chandrapur District) बल्लारपूर शहरातील एका सामान्य वाटणाऱ्या घटनेतून समोर आला आहे. सुनियोजित कट रचून प्रियकराच्या मदतीने पत्नीने सुपारी किलरच्या सहाय्याने पतीला नदीपात्रात बुडवून ठार केल्याची ही धक्कादायक घटना समोर आली आहे.

चंद्रपूर जिल्ह्यातील बल्लारपूर पोलीस ठाणे हद्दीतील वर्धा नदीच्या (Wardha River) पात्रात ही घटना समोप आली आहे. आधी सुमन निषाद हिच्या प्रियकराने पती रामेश्वर निषाद (38) याला ढाब्यावर दारू पाजली. परत येताना वर्धा नदी पुलाला कठडे नसल्याने दुचाकी चालविताना मद्यपी पती कोसळल्याचा बनाव केला. त्याच्यासोबत असलेल्या सुरज सोनकर या प्रियकरानेच पोलीस तक्रार केली.

मात्र पोलिसांनी अनैतिक संबंध हे हत्येचे मूळ असल्याचे तपासात निष्पन्न करत आरोपींना बेड्या ठोकल्या. यवतमाळचा सुपारी किलर अभिजीत पांडे याला सुमन निषाद हीने पतीच्या हत्येसाठी पंधरा हजारांची सुपारी दिली होती यामुळे पोलिसांनी पांडेलाही अटक केली आहे. CCTV फुटेजच्या आधारे घटना व त्याआधीचे धाब्यावरील जेवण यातील कालावधी अधिक वाटल्याने मोबाईल CDR ची पडताळणी केल्यावर पोलिसांचा अंदाज अखेर खरा ठरला.

Edited By - Jagdish Patil