Anna Hazare : 'अण्णा हजारेंनी पुन्हा उपोषण करण्याचा निर्णय घेतला तर.. आम्हीही उपोषण करु'

अहमदनगर : ज्येष्ठ समाज सेवक अण्णा हजारे (Anna Hazare) यांनी उद्यापासून पुकारलेले उपोषण मागे घेतल्यानंतर राज्यातील द्राक्ष उत्पादक शेतकऱ्यांनी राळेगणसिद्धी (Raleganasiddhi) येथे येऊन ज्येष्ठ समाजसेवक अण्णा हजारे यांची भेट घेतली आहे.

अण्णांनी वाईन (Wine) विरोधात सरकारला उपोषणाचा इशारा दिला होता त्या पार्श्वभूमीवर या द्राक्ष उत्पादक शेतकऱ्यांनी अण्णांची भेट घेऊन निवेदन दिले आहे यावेळी हा निर्णय शेतकऱ्यांच्या हितासाठी असल्याचं द्राक्ष उत्पादक (Grape Growers) शेतकऱ्यांनी आपली बाजू मांडली.

दरम्यान यावेळी अण्णा हजारे यांनी त्या शेतकऱ्यांचे निवेदन स्वीकारले आणि ते म्हणाले ' सरकारच्या या निर्णयाबाबत जर जनतेला मान्य असेल तर मला काहीच हरकत नाही' असं त्यांच्याशी चर्चा करतांना म्हटले आहे. तसंच तर जर अण्णा हजारे यांनी तीन महिन्यानंतर उपोषण करण्याचा निर्णय घेतला तर द्राक्ष उत्पादक राळेगणसिद्धी येथे येऊन साखळी उपोषण करू असा इशारा देखील द्राक्ष उत्पादक यांनी दिला आहे.

त्यामुळे सध्या जरी वाईन चा मुद्दा हा अण्णांच्या उपोषण स्थगिती मूळे थांबलेला असला तरी भविष्यात तीन महिन्यानंतर सरकार काय भूमिका घेते आहे या कडे द्राक्ष उत्पादक शेतकरी सह सर्वांचे लक्ष लागून राहिले आहे.

Edited By - Jagdish Patil