आगामी लोकसभा निवडणुकांच्या पार्श्वभूमीवर मोठे फेरबद केले जात आहेत. दरम्यान आज महाराष्ट्राचे मुख्य निवडणूक निर्णय अधिकारीपदी एस.चौकलिंगम यांची नियुक्ती करण्यात आली आहे. एस.एम. देशपांडे यांच्या जागी त्याची नियुक्ती करण्यात आली आहे. केंद्रीय निवडणूक आयोगाने चोकलिंगम यांच्या नियुक्तीचे आदेश केले जारी केले आहेत. एस.चौकलिंगम वरिष्ठ सनदी अधिकारी असून सध्या पुण्यातील यशदाचे महासंचालक म्हणून कार्यरत आहेत.
लोकसभेची आचारसंहिता कोणत्याही क्षणी लागू शकते. त्यामुळे संपूर्ण देशभर सध्या सर्वच राजकीय पक्षांची धावपळ सरू आहे. प्रशासकीय पातळीवरही मोठे फेरबदल होत आहेत. पोलीस अधिकाऱ्यांच्याही बदल्या केल्या जात आहेत. दरम्यान केंद्रीय निवडणूक आयोगाने आज महाराष्ट्राचे मुख्य निवडणूक निर्णय अधिकारीपदी एस.चौकलिंगम यांची नियुक्ती करण्यात आली आहे. त्यामुळे लोकसभा निवडणुकांच्या तारखा जाहीर होण्याचे संकेत मिळू लागले आहेत.
लोकसभा निवडणूक २०२४ च्या अनुषंगाने मुख्य निवडणूक अधिकारी श्रीकांत देशपांडे यांनी सांगली लोकसभा मतदारसंघातील पूर्वतयारीचा आढावा घेतला. यावेळी त्यांनी मतदान टक्केवारीत वाढ होण्यासाठी काय काय नियोजन केले जात आहे, याचा आढावा सर्व संबंधित सहायक निवडणूक निर्णय अधिकारी व नोडल अधिकारी यांच्याकडून जिल्हा नियोजन समिती सभागृहत घेतला. यावेळी डॉ. राजा दयानिधी, निवासी उपजिल्हाधिकारी ज्योती पाटील, उपजिल्हा निवडणूक अधिकारी श्रीमती शिंदे आदी उपस्थित होते.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
