Nitesh Rane: “मी सरेंडर होण्यासाठी जातोय” म्हणत नितेश राणे कोर्टाच्या दिशेने रवाना

सिंधुदुर्ग: भाजप आमदार नितेश राणे कोर्टात शरण येणार असल्याची माहिती नितेश राणेंचे (Nitesh Rane) वकील सतीश मानेशिंदे यांनी यावेळी दिली आहे. तर नितेश राणे शरण आल्यावर त्यांची कोठडी (cell) मागणार असल्याची माहिती सरकारी वकील प्रदीप घरत यांनी यावेळी दिली आहे. संतोष परब (Santosh Parab) हल्ला प्रकरणात नितेश राणेंच्या अडचणीत वाढ झालेली दिसून येत आहे.

हे देखील पहा-

अगोदर तीनवेळा जामीन फेटाळल्यावर चौथ्यांदा काल सत्र न्यायालयाने (court)जामीन फेटळला आहे. यानंतर राणेंनी परत एकदा हायकोर्टात (High Court) धाव घेतली आहे. मात्र, आज राणेंची वकील सतीश मानेशिंदे यांनी नितेश राणे कोर्टासमोर शरण येणार असल्याची माहिती दिली आहे. यामुळे परत काहीसा संभ्रम निर्माण झाला आहे. तसेच नितेश राणे यांनी आता एक सूचक ट्विट देखील केले आहे.

अमित शाह (Amit Shah) यांचा फोटो पोस्ट (Post) करत समय बलवान है, इन्सान खामो खा गुरुर करता है असे ट्विट (Tweet) नितेश राणे यांच्याकडून करण्यात आल्याने राणेंचा नेमका रोख कुणाकडे आहे? अशा राजकीय (Political) चर्चांना उधाण येत आहे. कोर्टाच्या निर्णयाचा आदर ठेवत मी कोर्टासमोर शरण यायला जात आहे.

आजपर्यंत राज्य सरकारने (State Government) वेगवेगळ्या पद्धतीने बेकायदेशीररित्या मला अटक करण्याचा प्रयत्न केला, अशी छोटीशी मात्र सूचक प्रतिक्रिया शरण येण्याअगोदरच नितेश राणे यांनी माध्यमांना बोलताना दिली आहे. नितेश राणे यांची कोठडी पोलीस मागणार असल्याची माहिती सरकारी वकील प्रदीप घरत यांनी यावेळी दिली आहे. यामुळे राणेंना आता कोर्ट कोठडी देणार का? हे बघणे महत्वाचे ठरणार आहे.

Edited By- Digambar Jadhav