Hingoli News : धावत्या ट्रॅक्टरमधून शेतकऱ्यांची हळद चोरी; चोरटा पोलिसांच्या ताब्यात

हिंगोली : शेतकऱ्याने काढणी केलेली हळद मार्केटला विक्रीसाठी ट्रॅक्टरमधून नेली जात होती. मात्र ट्रॅक्टर ट्रॉलीमध्ये (Hingoli) कोणी नसल्याचे पाहून यावर चढून हळदीचे कट्टे उठविले जात होते. विशेष म्हणजे हि चोरी धावत्या ट्रॅक्टरमधून केली जात होती. या चोरीतील एकास (Police) पोलिसांनी ताब्यात घेतले आहे. 

हिंगोलीच्या वसमत शहरात दिवसाढवळ्या धावत्या ट्रॅक्टरमधून (Turmeric) हळदीच्या कट्ट्याची चोरी करण्यात आली. मार्केटमध्ये गेल्यावर हा प्रकार शेतकऱ्याच्या लक्षात आला. यानंतर (Farmer) शेतकऱ्याने वसमत पोलिसात जाऊन याबाबत तक्रार दिली आहे. यानंतर पोलिसांनी सीसीटीव्ही कॅमेऱ्याच्या आधारे ही चोरी उघड केल्याची माहिती मिळाली आहे. या चोरीतील एकास ताब्यात घेतले आहे. 

चोरीची हळद जप्त 

हळद चोरी करणाऱ्या दोन पैकी एका आरोपीला वसमत पोलिसांनी बेड्या ठोकल्या आहेत. तर दुसऱ्या आरोपीचा पोलिसांकडून शोध सुरू आहे. पोलिसांनी अटक केलेल्या आरोपीचे नाव अंकुश तिकासे असल्याचे पुढे आले असून पोलिसांनी आरोपीकडून शेतकऱ्याची चोरी केलेली हळद जप्त केली आहे.