Hingoli Water Shortage : नागरिकांकडून दररोज दीडशे टँकरद्वारे पाण्याची खरेदी; हिंगोली शहरातील भीषण चित्र

हिंगोली : पाणी टंचाईच्या झळा सगळीकडे जाणवत आहेत. ग्रामीण भागासह आता शहरी भागात देखील पाण्याची समस्या जाणवत असल्याने नागरिकांना पाण्यासाठी भटकंती करावी लागत आहे. तर काही ठिकाणी टँकरद्वारे पाणी पुरवठा होत आहे. त्यानुसार हिंगोली शहरात देखील पाण्याची समस्या असल्याने शहरातील नागरिकांकडून तब्बल दीडशे टँकरद्वारे पाणी खरेदी केले जात आहे. 

हिंगोली (Hingoli) जिल्ह्यात ग्रामीण भागासह शहराला देखील पाणी टंचाईच्या झळा सोसाव्या लागत आहेत. प्रशासन नागरिकांना पाणी पुरवठा करण्यात कमी पडल्याने शहरातील नागरिक दररोज दीडशे टँकर पाणी खरेदी करत आहे, दैनंदिन वापरासासह पिण्याचे पाणी उपलब्ध करण्यासाठी हिंगोलीकरांना प्रति टँकर सातशे रुपये मोजावे लागत असल्याचे नागरिकांनी सांगितले आहे. तरी देखील हे पाणी पुरेसे होत नाही. 

पाऊस लांबला तर चित्र बिकट 

मी महिन्यात हे चित्र अधिक विदारक झाले असून सगळ्यांना आता (Rain) पावसाची प्रतीक्षा लागून आहे. दरम्यान पाऊस लवकर पडला नाही; तर पिण्याच्या (Water Scarcity) पाण्याची ही स्थिती आणखी गंभीर होणार असल्याची शक्यता देखील नागरिकांनी वर्तवली आहे. तो पर्यंत नागरिकांना पाणी विकत घेऊनच वापरावे लागणार आहे.