बंदुकीचा धाक दाखवून भरदिवसा लुटले; पाेलिसही धावले

हिंगोली : हिंगोली hingoli येथील वसमतमध्ये बँकेत पैसे भरण्यासाठी जाणाऱ्या गॅस कंपनीच्या कर्मचाऱ्याला बंदुकीचा धाक दाखवून लुटल्याची घटना आज (गुरुवार) घडली. चोरट्यांचा हा सर्व लूटमारीचा प्रताप सीसीटीव्ही कॅमेऱ्यात कैद झाला आहे.

दरम्यान या कर्मचाऱ्यांकडून चोरट्यांनी पळविलेल्या बॅगमध्ये ८७ हजार रुपयांची रक्कम Money होती अशी प्राथमिक माहिती मिळाली आहे.

या घटनेची माहिती मिळताच वसमत पोलिसांनी बंदूकधारी चोरट्यांना जेरबंद करण्यासाठी जिल्हा भरात पथके रवाना केली आहेत. या चोरट्यांचा पोलिस सीसीटीव्ही कॅमेऱ्याच्या आधारे देखील शोध घेत आहेत.

या घटनेप्रकरणी गॅस कंपनीचे कर्मचारी गजानन डरंगे यांच्या तक्रारीवरून अज्ञात चोरट्याविरुद्ध गुन्हा दाखल करण्यात आला आहे. हा प्रकार पाळत ठेऊन झाल्याचे पोलिसांनी सांगितले. दरम्यान भरदिवसा हा प्रकार घडल्याने या घटनेची चर्चा बाजारपेठेत आहे.

Edited By : Siddharth Latkar