हिंगोली : हिंगोली-परभणी राज्य महामार्गावर भीषण अपघात घडला आहे. असोला पाटीलजवळ भरधाव ट्रॅक्टरने एका दुचाकीला धडक दिली. या भीषण अपघातात एकाच कुटुंबातील तीन जणांचा जागीच मृत्यू झाला आहे. या मृतामध्ये पती-पत्नी आणि बारा वर्षीय मुलाचा समावेश आहे. या घटनेमुळे पुन्हा एकदा हिंगोलीत महामार्गावर घडणाऱ्या अपघातांचा प्रश्न ऐरणीवर आला आहे.
परभणी वसमत रोडवर असोला पाटीलजवळ झालेल्या अपघातात मृत झालेले तिघेही जण औंढा तालुक्यातील अंजनवाडी गावातील रहिवासी असल्याची माहिती पोलिसांनी दिली आहे. या अपघाताच्या या दुर्दैवी घटनेमुळे परिसरात शोककळा पसरली होती.
या अपघातात दुचाकीवरील एकनाथ घुगे,शुभांगी घुगे,समर्थ घुगे या तिघांचा जागीच मृत्यू झाला आहे. भीषण अपघातात माय,बाप आणि मुलगा या तिघांचा मृत्यू झाल्याने परिसरात शोककळा पसरली आहे. अपघातानंतर ट्रॅक्टर चालक मात्र घटनास्थळावरून फरार झाले आहेत. पोलीस ट्रॅक्टर चालकाचा शोध घेण्यात येत आहे.
परभणी नांदेड महामार्गावर असोला शिवारात ट्रॅक्टर आणि दुचाकीचा भीषण अपघात झाला. आज रविवारी सायंकाळच्या सुमारास अपघाताची घटना घडली. औंढा नागनाथ तालुक्यातील अंजणवाडी येथील कुटुंब परभणीतून निघालं असताना अपघात झाला.
या अपघातात दुचाकीवरील एकनाथ बाबाराव घुगे (वय ३६ वर्षे), शुभांगी एकनाथ घुगे (वय ३० वर्षे), समर्थ एकनाथ घुगे (वय ११ वर्षे) हे तिघे माय बाप आणि मुलाचा जागीच मृत्यू झाला. या अपघातानंतर ट्रॅक्टर चालक घटनास्थळावरुन पसार झाला. या घटनेनंतर प्रवासी आणि शेतकऱ्यांनी घटनेची माहिती पोलिसांना दिली. त्यानंतर पोलीस घटनास्थळी पोहोचले. पोलिसांनी या प्रकरणाचा पुढील तपास सुरु केला आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
