Maharashtra Heat Wave: जळगाव, नंदूरबारमध्‍ये तापमानाने गाठला उच्चांक

सागर निकवाडे

नंदूरबार : जळगाव व नंदूरबार जिल्ह्यातील तापमानाचा (Temprature) पारा वाढतच चालला आहे. गेल्या काही दिवसांपूर्वी कमी ३८ अंश सेल्‍सीअस इतका असलेला तापमानाचा पारा आता ४५ अंशावर पोहचला आहे. यामुळे उष्‍णतेच्‍या तिव्र झळा (Heat Wave) जाणवत असून जणू ही धोक्‍याची घंटाच आहे. (Latest Marathi News)

एप्रिल महिना अवकाळी पावसात गेल्यामुळे यंदा एप्रिल हॉट ठरला नाही. मे महिन्याचा पहिला आठवडाही दिलासादायक होता. मात्र, सोमवारपासून तापमान वाढीचा अनुभव येऊ लागला. बुधवारी देशभरात सर्वाधिक कमाल तापमान जळगावचे नोंदले गेले. पाठोपाठ गुरुवारीही जळगावच्या (Jalgaon) कमाल तापमानाचा आकडा ४४.८ अंशांवर गेला. सकाळी अकरापासून सायंकाळी पाचपर्यंत प्रचंड तापमान होते.

सातपुडा रांगातही वाढले तापमान

नंदूरबार (Nandurbar) जिल्ह्यात सातपुडा पर्वत रांगा असून तापमान उच्चांक गाठत आहे. सातपुडा रांगांमध्‍येही तापमाना ४५ अंशापर्यंत पोहचले असून ही नंदूरबार जिल्ह्यासाठी अत्यंत धोक्याची घंटा असून आता पर्यावरण संवर्धनाची गरज निर्माण झाली आहे.