Raigad Accident: पेणजवळ कंटेनरला भीषण अपघात, चालक गंभीर जखमी

Raigad News : मुंबई-गोवा महामार्गावर (Mumbai-Goa Highway) कंटेनरला भीषण अपघात (Container Accident) झाल्याची घटना समोर आली आहे. या अपघातानंतर कंटेनर महामार्गावर पलटी झाला. शुक्रवारी सकाळी हा अपघात झाला. कंटेनरमधील पोती रस्त्यावर पडल्यामुळे या महामार्गावरील वाहतूक काही वेळासाठी विस्कळीत झाली होती.

मिळालेल्या माहितीनुसार, मुंबई-गोवा महामार्गावर पेणजवळील रामवाडी येथे कंटेनर पलटी झाला. या अपघातामध्ये कंटेनर चालक गंभीर जखमी झाला आहे. हा कंटेनर मुंबईवरुन कोकणाच्या दिशेन जात होता. त्याचवेळी अचानक चालकाचे कंटेनरवरील नियंत्रण सुटले आणि कंटेनर पलटी झाला. या अपघातामध्ये कंटेनरचे मोठे नुकसान झाले आहे.

शुक्रवारी सकाळच्या सुमारास हा अपघात झाला. मुंबई-गोवा महामार्गावर कोकणाच्या दिशेने जाणाऱ्या मार्गीकेवर ही घटना घडली. कंटेनर महामार्गावर पलटी झाल्यानंतर त्यामध्ये असलेली पोती रस्त्यावर पडली. अपघाताची माहिती मिळताच रायगड पोलिसांनी घटनास्थळी धाव घेतली. पोलिसांनी जखमी झालेल्या कंटेनर चालकाना नजीकच्या रुग्णालयात दाखल केले. जेसीबीच्या मदतीने अपघातग्रस्त कंटेनर महामार्गावरुन हटवण्याचे काम सुरु आहे. या अपघातामुळे वाहतुकीवर कोणताही परिणाम झाला नाही.