अकोल्यात आज दुसऱ्याही दिवशी 45 अंशावर तपमानाचा पारा कायम होता. आज शुक्रवारी अकोल्यात 45.8 अंश तापमानाची नोंद झाली. दरम्यान राज्यात अनेक भागात हवामान खात्याने अवकाळी पावसाचा अंदाज वर्तवला असताना काल गुरुवारी अकोल्यात सर्वाधिक 45.5 अंश तापमानाची नोंद झाली होती. तर अकोल्याचे रात्रीचे तापमानही 30 अंश सेल्सिअस होते. हे तापमान यंदाच्या उन्हाळ्यातील सर्वाधिक असून याआधी मे महिन्यातच सन 2022 मध्ये 45.8 आणि सन 2016, सन 2017 व सन 2018 मध्ये 45 अंश सेल्सियस तापमान नोंदवण्यात आले होते. आजही अकोल्यात 45.08 अंश एवढी तापमानाची नोंद झाली आहे.
दरम्यानं मे महिन्याच्या सुरुवातीपासून तापमानात वाढ होऊ लागली. तिन दिवसांपासून मोसमातील उच्चांकी तापमानाची नोंद झाली. आज सकाळपासूनच उन्हाच्या झळा जाणू लागल्या. वाढत्या तापमानामुळे दुपारच्या सुमारास रस्त्यांवरील वर्दळ काहिशी मंदावली होती. तर संध्याकाळी काहीशी ढगाळ वातावरण आहे. त्यामुळे अकोल्याचा तापमानाचा हा वाढता पारा कमी होऊन नागरिकांना सायंकाळी थोडाफार दिलासा मिळाला. मात्र दिवसभर उन्हाचा तडाखा राहत असल्याने तीव्र उन्हापासून स्वतःचे रक्षण करण्यासाठी नागरिकांनी काळजी घ्यावी, असं आवाहन आरोग्य विभाग सातत्यानं करत आहे.
14 मे रोजी 41.08
15 मे रोजी : 40.09
16 मे रोजी : 42.04
17 मे रोजी : 40.02
18 मे रोजी : 42.00
19 मे रोजी : 43.02
20 मे रोजी : 43.08
21 मे रोजी : 43.08
22 मे रोजी : 44.08
23 मे रोजी : 45.05
24 मे सर्वाधिक 45.08
छत्रपती संभाजीनगरमध्ये उष्माघाताचा पहिला बळी गेला आहे. संभाजीनगरच्या सोयगाव तालुक्यातील कवली गावामध्ये ही घटना घडली आहे. या घटनेमुळे एकच खळबळ उडाली आहे. राज्यातील इतर जिल्ह्याप्रमाणे छत्रपती संभाजीनगरमधील तापमान प्रचंड वाढले आहे. याचा नागरिकांना त्रास होताना दिसत आहे. मृत शेतकरी शेता गेला होता तिथून परत घरी येताच उष्मा घाताने त्याचा मृत्यू झाला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.