डाकीण असल्याच्या संशयावरुन महिलेचा विवस्त्र करुन छळ; व्हिडिओतून धक्कादायक प्रकार समोर

नंदुरबार : डाकीण (witch) असल्याच्या संशयावरुन एका महिलेला विवस्त्र करुन छळ केल्याचा अतिशय दुर्दैवी प्रकार व्हायरल व्हिडीओमुळे (Video) समोर आला आहे. गेल्या आठ दिवसांपासुन नंदुरबारच्या (Nandurbar) सोशल मिडीयात हा व्हिडीओ व्हायरल होत असून याबाबत मोठी टिकेची झोड उठत आहे. बोली भाषेवरुन घटना सातपुडा पर्वत रांगामधील असल्याची शक्यता वर्तवली जात आहे.

हे देखील पहा :

याबाबत अंधश्रद्धा निर्मूलन समितीने (ANIS) जिल्हाधिकाऱ्यांना (Nandurbar collector) निवेदन देत घटनेची पडताळणी करण्याची मागणी केली आहे. ही घटना कुठली आणि संबंधीत पिडीत महिला कोण याबाबत पोलीस देखील तपास करत आहेत. या घटनेबाबत राज्य आणि केंद्रीय महिला आयोगाकडे तक्रार करणार असल्याचे अंनिसने स्पष्ट केले आहे.

नंदुरबारमध्ये डाकीण प्रथेबाबत अनेक अंधश्रद्धा आहेत आणि त्यातुनच या महिलेसोबत हा दुर्दैवी प्रकार झाल्याचे बोलले जात आहे. मात्र, हा व्हिडीओ कुठला आणि यातील संबंधीत महिला (Woman) कोण याचा छडा लागल्यानंतरचे सर्व चित्र स्पष्ट होईल.

Edited By : Krushnarav Sathe