जीमचा नाद, जीवन बरबाद? अतिव्यायाम केला, तरुणाच्या अंगलट आला

हा अंथरुणाला खिळलेला आहे 23 वर्षीय ओम भोयर हा तरुण... कारण बॉडी बनवण्याचा नाद या तरुणाच्या अंगलट आलाय....ऐन परीक्षेच्या काळात रात्रभर जागरण, अभ्यासाचा ताण असतानाही जीममध्ये वजन उचलण्याच्या चुकीमुळे जीवन बरबाद होता होता वाचलं.. कारण या 23 वर्षीय तरुणाला अतिव्यायाम केल्यानं पॅरालिसिसचा झटका आला...मात्र त्याची आई नर्स असल्यानं तरुणाला तात्काळ रुग्णालयात दाखल केलं...आणि मोठा धोका टळला...

खरं तर अभ्यासाचा ताण, रात्ररात्र जागरण, अतिप्रमाणात व्यायाम यामुळे मेंदूत रक्ताच्या गाठी झाल्याचं आढळून आलं.. तर डॉक्टरांनी वेळेत उपचार केल्यानं तरुणाचा जीव वाचला... त्यामुळेच डॉक्टरांनी जीममध्ये जाणाऱ्या तरुणांना ट्रेनरच्या मार्गदर्शनाखालीच जीम करण्याचा सल्ला दिलाय..

खरं तर अनेकदा तरुणांना जीममध्ये चक्कर येणं, हार्ट अटॅक येण्याचे प्रकार घडत आहेत.. तसाच प्रकार नागपूरमध्ये घडला.. मात्र तरुणाच्या आईनं वेळेत रुग्णालयात दाखल केल्यानं तरुणाचा जीव वाचला... यातून जीमला जाणाऱ्या तरुणांनी धडा घेण्याची गरज आहे..