गिरीश कांबळे, प्रतिनिधी
मराठा आरक्षणाच्या मुद्द्यावरुन मनोज जरांगे पाटील यांनी चांगलेच रान पेटवले आहे. आज जालन्याच्या आंतरवाली सराटी येथे जरांगे पाटील यांची विराट सभा झाली. राज्यभरातील मराठाब बांधव लाखोंच्या संख्येने या सभेला हजर होते. या सभेतून जरांगे पाटील यांनी १० दिवसांत सरकारला आरक्षण जाहीर करण्याचा इशारा दिला आहे. जरांगे पाटील यांच्या या मागणीनंतर वकील गुणरत्न सदावर्ते यांनी त्यांच्यावर पुन्हा एकदा हल्लाबोल केला आहे.
काय म्हणाले सदावर्ते?
"जरांगेच्या (Manoj Jarange Patil) सभेला मी यात्रेसारखे पाहतो. लोक येतात मौज मजा करून जातात, त्यांची भाषा शिवराळ आहे. त्यांच्या अकलेची कुवत उघडी पडली आहे, अशी टीका वकिल गुणरत्न सदावर्तेंनी केली. तसेच शरद पवार उद्धव ठाकरे यांनी जरांगे पाटील यांना पाठिंबा दिला आहे." असेही वकिल सदावर्ते यावेळी म्हणाले.
"मराठा समाज मागास नाही म्हणून सर्वोच्च न्यायालयाने फेटाळले आहेत. मागे दिलेले आरक्षण नाकारलं. आता बिनबुडाच्या गोष्टी करत आहेत ओबीसीतून आरक्षण द्या म्हणतात, असे म्हणत शरद पवार (Sharad Pawar) हे जरांगेचे बॉस आहेत. शरद पवार जसं बोलतात तसं ते करतात. शरद पवारांच्या भूमिकेवर जरांगे बोलतात.." असा आरोपही त्यांनी यावेळी केला.
जरांगे पाटलांनी केला हल्लाबोल....
दरम्यान, आजच्या अंतरवाली सराटीमधील विराट सभेतून जरांगे पाटलांनी वकील गुणरत्न सदावर्तेंवर ( Gunratna Sadavrte) जोरदार हल्लाबोल केला. भाऊ तुला एकदा सुट्टी दिली मराठ्यांनी. तू मराठ्यांचं वाटोळं केलं आहे. मराठ्यांच्याविरोधात तुच कोर्टात गेला आहेस. मराठ्यांविरोधात आग ओकणं कमी करा,असा थेट इशाराच जरांगे पाटलांनी दिला. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.