Gram Panchayat Result: पुतण्याने हिरावली सरपंच पदाची खुर्ची; काकाचा केला दारुण पराभव

गोंदिया : गोंदिया जिल्‍ह्यात सुनने सासुचा पराभव केल्‍यानंतर 20 वर्षापासून राजकारणात असलेल्या काकाला धूळ चारत पुतण्याने बाजी मारली आहे. विशेष म्हणजे दोघेही (BJP) भाजपचे कार्यकर्ते आहेत. (Maharashtra News)

गोंदिया (Gondia) जिल्‍ह्यातील ओवारा ग्रामपंचायतीत हा निकाल लागला आहे. या ग्रामपंचायतकरीता (Gram Panchayat) सरपंच पद सर्वसाधारण राखीव होते. यामुळे सरपंच पदासाठी कमल येरणे व भाऊराव येरणे हे दोन उमेदवार रिंगणात उभे होते. यामुळे थेट सामना पहावयास मिळाला. विशेष म्‍हणजे भाजपचे दोन्‍ही कार्यकर्ते असलेले नात्‍याने काका– पुतण्या हे परस्‍पर विरोधात उभे राहिले होते.

काका गेले आता पुतण्या सरपंच

प्रतिष्ठेची मानली गेलेली ओवारा या ग्रामपंचायतीमध्ये सरपंच पदासाठी नात्‍याने काका– पुतण्या असलेले दोन उमेदवार उभे होते. यात वीस वर्षांपासून राजकारणात असलेल्‍या काकाला पुतण्या उमेश येरने याने पराभवाचा धक्‍का दिला आहे.