कालव्यात बुडून बालकाचा मृत्यू

गोंदिया : जिल्ह्याच्या सालेकसा तालुक्यातील पानगाव येथील 14 वर्षीय बालकांचा कालव्यात बुडून मृत्यू झाला आहे. अमित हटीले असे मृत झालेल्‍या मुलाचे नाव आहे. (gondia news death in Children drown in canal)

पानगाव या (Gondia News) गावाजवळील कालव्यात अमित हा आंघोळ करायला गेला होता. मात्र बराच वेळ झाला तरी तो घरी परत आला नाही; म्हणून त्याच्या घरच्या लोकांनी शोधाशोध केली. परंतु, त्याचा थांगपत्ता लागला नाही. अखेर कालव्यात बुडाला असल्याची माहिती मिळाली.

आज सकाळी सापडला मृतदेह

कालव्यात शोध घेतला मात्र पाणी जास्त असल्याने मृतदेह मिळाला नाही. त्यामुळे पाटबंधारे विभागाने धरणाचा पाणी बंद करत आपत्ती व्यवस्थापनच्या टीमने पुन्हा शोध कार्य सुरू केले. आज सकाळी या मुलाचा मृतदेह आढळला आहे. अमितच्या मृत्युने त्याच्या परिवारावर शोककळा पसरली आहे.