पाण्याविना सुकताय पीक; भारनियमनाचा फटका

धुळे : लोडशेडिंगचा सर्वात मोठा फटका शेतकऱ्यांना बसत असल्याचे दिसून येत आहे. विहिरीत मुबलक पाणी असताना देखील फक्त लाईट नसल्यामुळे पिकाला पाणी देणे शक्य होत नसल्याने पाण्याविना पीक (Dhule News) सुकण्याची वेळ आली आहे. (dhule news Crop drying without water Load shedding impact)

बाजरी, कांदा (Onion) ही पिके हातातोंडाशी आलेली असताना उन्हाचा तडाखा अशातच या पिकांना पाणी देता येत नसल्याने पाण्याविना ही पीक शेतातच सुकत चालली आहेत. 24 तासात जवळपास 17 ते 18 तास लाईट नसल्याने शेतकऱ्यांना (Farmer) पिकाला पाणी देणे शक्य होत नाही. रात्रीच्या वेळी मध्यरात्री तसेच अवेळी कधीही लाईट येत असल्यामुळे घरापासून दूर असलेल्या शेतामध्ये पिकाला पाणी देण्यासाठी जाणे शेतकऱ्यास शक्य होत नाही, आणि वीज वितरण विभागाच्या या मनमानी कारभारामुळे शेतकरी चांगलाच अडचणीत सापडला आहे. चोवीस तासांपैकी कमीत कमी 13 ते 14 तास तरी वीज उपलब्ध व्हावी; अशी मागणी शेतकर्‍यांतर्फे करण्यात येत आहे.