शुभम देशमुख, साम टीव्ही
Gondia News Today: गोंदिया जिल्ह्यातील अर्जुनी मोरगाव तालुक्यातून एक दुर्देवी घटना समोर आली आहे. ग्रामपंचायत परिसरात खोदलेल्या खड्ड्यात पडून एका ४ वर्षीय चिमुकल्याचा मृत्यू झाला आहे. ही दुर्देवी घटना गुरूवारी सायंकाळच्या सुमारास खामखुर्रा गावात (Gondia News) घडली. या घटनेनं हळहळ व्यक्त होत आहे.
चिराग हिवराज कोड्डे (वय ४ वर्ष) असं मृत चिमुकल्याचं नाव आहे. मिळालेल्या माहितीनुसार, खामखुर्रा गावातील ग्रामपंचायत आवारात (Gram Panchayat) संरक्षण भिंतीच्या कॉलमसाठी भलामोठा खड्डा खोदण्यात आला होता. मुसळधार पाऊस झाल्याने या खड्ड्यात पाणी साचले होते.
दरम्यान, चिराग हा गुरूवारी सायंकाळच्या सुमारास अंगणात खेळत होता. खेळता-खेळता तो अचानक या खड्ड्यात पडला. गावातील नागरिकांनी चिरागला पाण्याबाहेर काढून तातडीने रुग्णालयात दाखल केलं.
मात्र, रुग्णालयात जाण्याआधीच चिरागचा मृत्यू झाला होता. या घटनेनं परिसरातून मोठी हळहळ व्यक्त होत आहे. कंत्राटदाराच्या निष्काळजीपणामुळे एका चिमुकल्याचा जीव गेल्याने ग्रामस्थ आक्रमक झाले आहेत. याप्रकरणी कारवाई करण्याची मागणी केली जात आहे.
Edited by - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.