Gondia Crime: गोंदियात माजी नगरसेवक लोकेश यादव यांच्यावर गोळीबार

शुभम देशमुख 
गोंदिया : गोंदिया शहर पोलीस स्टेशन अंतर्गत यादव चौक परिसरात गोळीबार झाल्याची घटना आज घडली आहे. (Gondia) माजी नगरसेवक लोकेश उर्फ कल्लू यादव यांच्यावर हा गोळीबार करण्यात (Crime News) आला आहे. यात यादव हे गंभीर जखमी झाले आहेत. (Latest Marathi News)

गोंदिया शहरात सकाळच्या सुमारास गोळीबार झाल्याची घटना धाडली. माजी नगरसेवक लोकेश यादव हे शहरातील यादव चौक परिसरातून जात असताना यांच्या पाठीमागून गोळी झाडण्यात आली. गोळी लागल्याने ते जागीच कोसळले. यानंतर त्यांना गोंदिया येथील शासकीय महाविद्यालयात उपचारासाठी दाखल करण्यात आले. मात्र यादव हे गंभीर जखमी असल्याने त्यांना नागपूर (Nagpur) येथे हलविण्यात आले आहे. यादव यांच्या निकटवर्तीयांनी रुग्णालयात गर्दी केली. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

संशयित झाले फरार 

गोळीबार झाल्यानंतर गोंदिया शहरात दहशतीचे वातावरण निर्माण झाले आहे. यादव यांच्यावर गोळी झाडल्यानंतर संशयित फरार झाले आहेत. या घटनेचा पुढील तपास (Police) पोलीस करत असून गोळीबार करणाऱ्यांचा पोलीस शोध घेत आहेत.