Gold Price Today: सोन्याच्या दरात मोठी घसरण, १० तोळं सोनं २१५०० रुपयांनी स्वस्त; वाचा सुवर्णनगरीतील आजचे दर

• जळगावच्या सराफा बाजारात सोनं-चांदीच्या दरात मोठी घसरण

• सोनं-चांदी सलग पाचव्या दिवशी झालं स्वस्त

• १० तोळे सोनं २१५०० रुपयांनी स्वस्त

• १ तोळा चांदीच्या दरामध्ये ४००० रुपयांची घसरण

संजय महाजन, जळगाव

सोनं-चांदी खरेदी करणाऱ्यांसाठी सध्या खरेदीची सुवर्णसंधी आहे. गेल्या तीन ते चार दिवसांपासून सोनं-चांदीच्या दरामध्ये घसरण होताना पाहायला मिळत आहे. आज सलग पाचव्या दिवशी सोनं-चांदीच्या दरात मोठी घसरण झााली आहे. जळगावच्या सराफा मार्केटमध्ये आज १ तोळा सोन्याच्या दरामध्ये २१५० रुपयांनी घसरण झाली. तर १ तोळा चांदीच्या दरामध्ये ४००० रुपयांची घसरण झाली आहे.

जळगावच्या सुवर्ण बाजारात गेल्या आठवड्याच्‍या शेवटी सोनं-चांदीचे भाव कमी झाले होते. दोन दिवसांपासून सोनं-चांदीच्या सतत घसरण होत आहे. आजही २४ कॅरेटच्या १ तोळा सोन्याच्या दरामध्ये २१५० रूपयांची घसरण झाली. तर २४ कॅरेटच्या १० तोळा सोन्याच्या दरामध्ये २१५०० रुपयांची घसरण झाली. आज १ किलो चांदी ४००० रुपयांनी स्वस्त झाली आहे.

आंतरराष्ट्रीय बाजारात सातत्‍याने होत असलेल्‍या बदलाचा परिणाम सोनं-चांदीच्या बाजारावर होत आहे. यात गेल्‍या आठवड्याच्‍या सुरुवातीपासूनच सोने-चांदीचे भाव कमी होत आहेत. १ सप्टेंबर रोजी सोन्याचा भाव १ लाख ५३ हजार ९५० रुपये प्रतिदहा ग्रॅम विनाजीएसटी होता. आज त्यात २१५० रपयांची घसरण हेावून सोनं १ लाख ५१ हजार ८०० रूपयांवर आले आहे. तर १ सप्टेंबरला चांदीचा भाव २ लाख ३५ हजार प्रती किलो विना जीएसटी हेाता. आज त्यात ४००० रुपयांची घसरण होऊन चांदीचे दर २ लाख ३१ हजार प्रती किलो झाले आहे.