Gold Rate Today: सोनं खरेदीची सुवर्णसंधी! सोन्याच्या दरात मोठी घसरण, सुवर्णनगरीतील आजचे दर किती?

• जळगावच्या सराफा बाजारात सोनं-चांदीच्या दरात मोठा बदल

• आज सोन्याच्या दरात मोठी घसरण झाली

• चांदीचे दर मात्र स्थिर आहेत

• १ तोळा सोनं ३०० रुपयांनी स्वस्त

संजय महाजन, जळगाव

जळगावच्या सराफा बाजारात सोनं-चांदीच्या दरात आज मोठा बदल झाला आहे. सराफा बाजार उघडताच सोन्याच्या दरात मोठी घसरण झाल्याचे पाहायला मिळाले. तर आज चांदीचे दर स्थिर आहेत. १ तोळा सोनं ३०० रुपयांनी स्वस्त झालं आहे. सोन्याच्या दरामध्ये घसरण झाल्यामुळे ग्राहकांना काहीसा दिलासा मिळाला. सोनं महाग असल्यामुळे ग्राहकांनी पाठ फिरवली होती. पण आता दर कमी झाल्यामुळे खरेदीसाठी ग्राहकांनी गर्दी केली.

सध्‍या सोने आणि चांदीच्‍या दागिन्‍यांना मागणी कमी झाली आहे. आंतरराष्‍ट्रीय बाजारपेठेतील बदलामुळे सोन्या-चांदीच्‍या भावात चढ-उतार होत आहे. त्‍यानुसार आठवड्याच्‍या पहिल्‍याच दिवशी सोमवारी सोन्‍याच्‍या भावात १००० रुपये तर चांदीत २००० रुपयांची घसरण झाली होती. परंतु, मागील दोन दिवसांपासून दरात फारसा बदल झालेला नाही.

बुधवारी विनाजीएसटी १ तोळा सोनं १ लाख ४१ हजार ८०० रुपयांवर गेले होते. त्यात आज ३०० रुपयांची घसरण झाली. त्यामुळे आज सोन्याचा दर १ लाख ४१ हजार ५०० रुपयांवर आले आहे. तर चांदीचे दर मात्र मागील चार दिवसांपासून स्थिर आहे. आज १ किलो चांदीचे दर २ लाख २२ हजारांवर कायम आहेत.

९ ते १६ जुलैदरम्यानचे सोन्याचे दर (प्रतिदहा ग्रॅम विनादीएसटी)

९ जुलै - १ लाख ४३ हजार ५०० रुपये

१० जुलै - १ लाख ४३ हजार रुपये

११ जुलै - १ लाख ४३ हजार रुपये

१२ जुलै - १ लाख ४२ हजार रुपये

१३ जुलै - १ लाख ४२ हजार रुपये

१४ जुलै - १ लाख ४१ हजार रुपये

१५ जुलै - १ लाख ४१ हजार ८०० रुपये

१६ जुलै - १ लाख ४१ हजार ५०० रुपये

९ ते १६ जुलैदरम्यानचे चांदीचे दर (प्रतिदहा किलो विनादीएसटी)

९ जुलै - २ लाख २७ हजार रुपये

१० जुलै - २ लाख २३ हजार रुपये

११ जुलै - २ लाख २४ हजार रुपये

१२ जुलै - २ लाख २२ हजार रुपये

१३ जुलै - २ लाख २२ हजार रुपये

१४ जुलै - २ लाख २२ हजार रुपये

१५ जुलै - २ लाख २२ हजार रुपये

१६ जुलै - २ लाख २२ हजार रुपये