गडचिरोली : गडचिरोली जिल्ह्यातील विकास कामांना नक्षल्यांचा असणारा विरोध स्पष्टपणे पुढे आलाय. रस्ते बांधकामावर असलेल्या 11 वाहनांची नक्षल्यांकडून जाळपोळ करण्यात आली आहे. यात 9 ट्रॅक्टर, 2 जेसीबीचा समावेश आहे. भामरागड (Bhamragad) तालुक्यातील इरपनार गावाजवळ दुपारी ही घटना घडली.
हे देखील पहा :
ह्या भागातील धोडराज-इरपनार-नेलगुंडा गावांना जोडणाऱ्या रस्ता (Road) निर्मितीचे काम सुरू होते. या कामावर यंत्रसामुग्री कार्यरत असताना नक्षल्यांनी काम थांबवून वाहनांची जाळपोळ केली. अतिदुर्गम भागात विकासकामांना नक्षल्यांचा (Naxals) विरोध जारीच आहे. पोलिसांनी घटनेची दखल घेत नक्षल शोधमोहीम वेगवान केली आहे. गडचिरोली (Gadchiroli) जिल्ह्यातील नगर पंचायत निवडणूक आणि मतमोजणी पूर्ण होऊन 24 तास होत नाही तोच नक्षली सक्रिय झाल्याचे चित्र आहे.
Edited By : Krushnarav Sathe
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.