लग्नाच्या बाेलणीसाठी निघालेल्या पोकळे परिवारावर काळाचा घाला; ५ ठार, ५ जखमी

अमरावती : शहरातील रहाटगाव रिंगरोडवर ट्रक व तवेरा वाहनांच्यात झालेल्या अपघातात चार जण जागेवरच तसेच एक जण रुग्णालयात ठार झाला आहे. या अपघातामधील ट्रक (truck) अमरावतीहून (amravati) नागपूरकडे (nagpur) जात होता तर तवेरा (एमएच २६ एए ७९९९) अमरावतीहून वलगावकडे निघाली होती. ओव्हर टेक करण्याच्या प्रयत्नांत हा भीषण अपघात (accident) झाल्याची माहिती पाेलिसांनी (amravati police) दिली. दरम्यान ठार झालेल्यांपैकी काही जण अंजनगाव बारी (Anjangaon Bari) येथील रहिवासी आहेत. (amravati latest marathi news)

पाेलिसांनी दिलेल्या माहितीनूसार अंजनगाव बारी येथील पोकळे परिवार हे तवेरातून वलगाव येथे मुलाच्या लग्नाच्या बाेलणीसाठी जात हाेते. या अपघातात तवेरा वाहनाचा चालक रमेश आखरे, रोशन आखरे व पोकळे परिवारातील तिघांचा मृत्यू झाला आहे.

या अपघातात पाच जण जखमी झाले आहेत. या जखमींवर अमरावतीच्या खासगी रुग्णालयात उपचार सुरु आहेत. राज्यमंत्री बच्चू कडू (bacchu kadu) यांनी रुग्णालयात जाऊन जखमींची विचारपूस केली.

Edited By : Siddharth Latkar