नगर अर्बन को-ऑपरेटिव्ह बँकेच्या तत्कालीन संचालक-अधिकाऱ्यांवर गुन्हा दाखल

अहमदनगर मधील (Ahmadnagar) बहुचर्चित नगर अर्बन को-ऑपरेटिव्ह बँकेने (Nagar Cooperative Bank) 150 कोटींचा अपहार केल्याप्रकरणी तत्कालीन संचालक आणि अधिकाऱ्यांच्या विरोधात कोतवाली पोलिस ठाण्यात गुन्हा दाखल झाल्याने एकच खळबळ उडाली आहे. १२० वर्षाची परंपरा असलेल्या नगर अर्बन बँकेमध्ये सुमारे दीडशे कोटी रुपयांचा घोटाळा झाल्याची तक्रार बँकेचे जुने सभासद राजेंद्र गांधी यांनी केली आहे. याचा नगर अर्बन बँकेतील अपहार प्रकरणी यापूर्वी देखील वेगवेगळ्या गुन्हा दाखल करण्यात आला आहे.

मात्र आता या प्रकरणात फिर्यादी असलेल्या राजेंद्र गांधी यांनी संपूर्ण प्रकरणांची एकत्रित फिर्याद दिली आहे. अहमदनगर येथील राजेंद्र गांधी यांनी 2019 मध्येच पोलिसांकडे तक्रार केली होती. परंतु पुढे काहीच न झाल्याने त्यांनी न्यायालयाच्या आदेशाने अखेर गुन्हे दाखल झाले आहेत, त्यामुळे या प्रकरणात काय खुलासे होतात हे पाहणं महत्त्वाचं ठरणार आहे.

Edited By: Pravin Dhamale