Latur: अरे देवा! रांगोळी मोडली म्हणून डोके फोडले; मुसळेवाडी येथील घटना

लातूर - शेजाऱ्याच्या अंगना समोरील रांगोळी मोडल्याच्या कारणामुळे २ महिलांना शिवीगाळ करून केसाला धरून मारहाण करीत असल्याचे दिसताच पतीने तुम्ही माझ्या पत्नीस व मुलीस का मारहान करता असे विचारले असताना त्यांचे घरातील सर्वजन हातात काठ्या घेऊन जवळ आले. तसेच तु बाजुला हो असे म्हणुन शिवीगाळ करून हातातील काठीने डोक्यात, पाठीत व डाव्या हातावर मारुन जखमी केल्याची घटना रेणापूर (Latur) तालुक्यातील मुसळेवाडी येथे घडली आहे. (Latur Crime News)

ज्योतीराम किडमोडे मुलीस सासरी सोडुन गावी घरी आले असता पत्नी आहिल्याबाई किडमोडे व मुलगी भाग्यश्री भंडारेच्या लहान मुलीने शेजारी व भावकीतील मिरा किडमोडे, प्रतिभा किडमोडे, राधाबाई किडमोडे यांच्या अंगना समोरील रांगोळी मोडल्याने त्यांनी आहिल्याबाई व भाग्यश्रीला शिवीगाळ करून केसाला धरून मारहाण करीत असल्याचे दिसले. त्यावेळी ज्योतीराम किडमोडे यांनी तुम्ही माझ्या पत्नीस व मुलीस का मारहान करता असे विचारत असताना त्यांच्या घरातील सर्वजन हातात काठ्या घेऊन आले आणि शिवीगाळ करू लागले.

मदन किडमोडे व हानमंत किडमोडे यांनी हातातील काठीने ज्योतीराम किडमोडे यांच्या डोक्यात मारून जखमी केले. तसेच सिताराम किडमोडे याने हातातील काठीने ज्योतीराम किडमोडे यांच्या पाठीत व डाव्या हातावर मारुन जखमी केले.

ज्योतीराम किडमोडे यांना मार लागल्याने डोक्यातून रक्त निघत असल्याने उपचारासाठी रुग्णालयात दाखल करण्यात आले आहे. या प्रकरणी ज्योतीराम किडमोडे यांच्या फिर्यादीवरून रेणापूर पोलीस ठाण्यात गुन्हा नोंद करण्यात आला आहे.