Nashik News : नाशकात अकराशे किलो बनावट खवा जप्त, अन्न औषध प्रशासनाची कारवाई

- तबरेज शेख

Nashik News : अन्न व औषध प्रशासनाकडून नाशिक शहरात हजारो किलो बनावट खवा सदृश्यपदार्थ जप्त करण्यात आला आहे. दुधाविना बनलेला हा खवा (khoa) असल्याची प्राथमिक माहिती प्राप्त झाली आहे. (Maharashtra News)

गुजरातहून पाम तेल आणि इतर पदार्थांचा बनलेला खवा सदृश्यपदार्थ अन्न औषध प्रशासनाकडून जप्त करण्यात आला आहे. प्रसादाचा पेढा बनवण्यासाठी वापरण्यात आलेला विना दुधाचा बनवलेला हा खवा असल्याची माहिती प्राप्त झाली आहे.

एफडीएने दिलेल्या माहितीनूसार सुमारे अकराशे किलो खवा हा गुजरात येथून नाशिक येथे खासगी बसच्या माध्यमातून हायजिनिक कंडिशनमध्ये आणण्यात आला. दूध न वापरता केमिकल्स आणि ऑइल पासून बनवण्यात येणारा हा खवा आरोग्यासाठी हानिकारक ठरू शकतो.

दरम्यान मध्यंतरी त्रंबकेश्वर येथे असेच विना दुधापासून बनलेले मलईदार पेढे जप्त करण्यात आले होते. या पार्श्वभूमीवर गुजरातमधून येणारा हा साठा नाशिकच्या अन्न औषध प्रशासनाने पकडला आहे.

Edited By : Siddharth Latkar