Chhatrapati Sambhaji Nagar Accident: इलेक्ट्रिक शिवाई बस अन् कारचा भीषण अपघात; कारचालकाचा जागीच मृत्यू, 6 गंभीर जखमी

नवनीत तापडिया

Chhatrapati Sambhaji Nagar Accident News: अहमदनगरकडून छत्रपती संभाजीनगरच्या दिशेने येत असलेल्या इलेक्ट्रिक शिवाई बस आणि एका खाजगी कारचा भीषण अपघात झाला आहे. या भीषण अपघातात कारचालकाचा जागीच मृत्यू झाला आहे. तर सहा जण गंभीर जखमी आहेत. (Latest Marathi News)

हा भीषण अपघात मध्यरात्री छत्रपती संभाजीनगर - अहमदनगर रस्त्यावरील वाळूजजवळ घडला. सय्यद जावेद सय्यद हनीफ असे मृत कारचालकाचे नाव आहे. सर्वजण एकाच परिवारातले असून बुलढाणा (Buldhana) जिल्ह्यातील देऊळगाव राजा येथील हे रहिवासी आहेत अशी माहिती समोर आली आहे. जखमींवर खाजगी रुग्णालयात (Hospital) उपचार सुरू आहेत.

याबाबत अधिक माहिती अशी की, एसटी (ST) महामंडळाच्या शिवाई बसने एका कारला पाठीमागून जोरदार धडक दिली. धडकेमुळे कार रस्ताच्या बाजूला असलेल्या शेतात जाऊन उलटली. या अपघातात कारचालक सय्यद जावदे सय्यद हनीफ (३३, रा. देऊळगाव मही, जि.बुलढाणा) याचा जागीच मृत्यू झाला.

तर कारमधील ६ प्रवासी गंभीर जखमी झाले आहेत. सर्व जखमींना रुग्णालयात दाखल करण्यात आले असून त्यांच्यावर रुग्णालयात उपचार सुरु आहेत. या अपघातात कार आणि बस या दोन्ही वाहनांचे मोठ्या प्रमाणात नुकसान झाले आहे.