Bhandara News : ऊसाला दरवाढ न मिळाल्यास कारखाना बंद पाडू; शेतक-यांचा 'मानस'च्या व्यवस्थापनास इशारा

- शुभम देशमूख

Bhandara News : ऊसाला जादा दर मिळावा यासाठी ऊस उत्पादक शेतक-यांनी आज (गुरुवार) मानस कारखान्यासमाेर आंदाेलन छेडले. यावेळी आंदाेलकांनी घाेषणाबाजी करुन साखर कारखाना परिसर दणाणून साेडला. (Maharashtra News)

भंडारा जिल्ह्याच्या मोहाडी तालुक्यातील देव्हाडा येथे मानस साखर कारखाना आहे. जिल्ह्यातील ऊस उत्पादक शेतकरी याच मानस कारखान्याला अनेक वर्षापासून ऊस देत आहेत. जिल्ह्यात वैनगंगा नदी वाहत असल्याने नदी किनाऱ्यावर असणाऱ्या गावात मोठया प्रमाणात ऊस पिक घेतले जाते. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

दिवसेंदिवस खताचे, मजुरीचे दर वाढले मात्र शेतकऱ्यांच्या उसाचे दर वाढले नाही. सन 2018 पासुन 2100 रूपये प्रती टन दर शेतक-यांना दिला आहे. शेतकऱ्यांनी अनेकदा उसाचे दर 2700 रूपये करावे अशी मागणी केली.

या मागणीचा साखर कारखाना व्यवस्थापन विचार करीत नसल्याने शेतकऱ्यांमध्ये माेठी नाराजी आहे. त्यातूनच आज शेतक-यांनी मानस साखर कारखान्याच्या सामोर ऊस दरवाढ करावी यासाठी आंदोलन सुरू केले आहे. उसाला दरवाढ मिळाली नाही तर कारखाना बंद पाडू असा इशारा देखील शेतक-यांनी दिला आहे.

Edited By : Siddharth Latkar