धक्कादायक : शेतकऱ्याचा मंत्रालयासमोरच आत्महत्येचा प्रयत्न

रश्मी पुराणिक

जळगाव (Jalgaon) येथील एका शेतकऱ्याने मंत्रालयासमोर (Mantralay) अंगावर रॉकेल टाकत आत्महत्या करण्याचा प्रयत्न केल्याची माहिती समोर आली आहे. स्वातंत्र्यदिनाच्या (Independence Day) पार्श्वभुमीवर मंत्रालयाच्या समोरच हा प्रकार घडल्याने काही वेळासाठी याठिकाणी गोंधळाचे वातावरण निर्माण झाले होते.

मिळालेल्या माहितीनुसार, आज १५ ऑगस्ट दिनी मंत्रालयसमोर आत्मदहन करण्याचा प्रयत्न करणारे व्यक्तीचे नाव सुनील दामू गुजर व राहणार मुक्काम पोस्ट नेरी बुद्रुक तालुका जामनेर जिल्हा जळगाव असे आहे.

जळगाव पोलीस अधीक्षक यांच्याकडे एका व्यापाऱ्याविरुद्ध तक्रार दिली होती. पण गुन्हा नोंद न झाल्यामुळे जळगाव पोलीस प्रशासनाच्या नाकर्तेपणास कंटाळून मंत्रालय याठिकाणी आत्मदहन इशारा दिला होता. आज सकाळी ०९.३५ वाजताचे सुमारास राजगुरू चौकातून मंत्रालयाकडे येत असताना पोलिसांनी गुजर यांंना तब्यात घेत असताना त्याने रॉकेल अंगावर ओतून घेण्याचा प्रयत्न केला. ज्यामुळे काही वेळासाठी या ठिकाणी गोंधळाचे वातावरण निर्माण झाले होते.

Edited By - Anuradha