Government Scheme : मुलांसाठी सरकारची नवी योजना? मुलांना महिन्याला 3 हजार?

सरकार आता मुलांना महिन्याला 3 हजार रुपये देणार आहे असा दावा एका व्हायरल व्हिडीओमध्ये करण्यात आला आहे. जर एखाद्याला या योजनेचा लाभ घ्यायचा असेल तर कमेंट बॉक्समध्ये नाव टाका असा दावा करण्यात आलाय...त्यामुळे या व्हिडिओवरून लोकांना विश्वास बसू लागलाय...पण,खरंच आता सरकार मुलांना पैसे देणार आहे का...?...

...हा मेसेज आणि व्हिडिओ व्हायरल होत असल्याने अनेकांना हे खरं वाटू लागलंय...काहींनी या व्हिडिओच्या कमेंट बॉक्समध्ये नावही टाकलंय...पण, खरंच केंद्र सरकारची अशी योजना आहे का..? पालक माता-पिता योजना सरकारने मुलांसाठी सुरू केलीय का...? याची सत्यता जाणून घेणं गरजेचं आहे...कारण, पैसे मिळत असतील तर ते कसे मिळतात हे सोप्या पद्धतीत सांगायला हवं...आणि गरजूंना याचा फायदा व्हायला हवा...त्यामुळे आमच्या व्हायरल सत्य टीमने पडताळणी सुरू केली...त्यावेळी काय सत्य समोर आलं पाहुयात...

व्हायरल सत्य - साम इन्व्हिस्टिगेशन

पालक माता-पिता योजना केंद्र सरकारची नाही

ही योजना गुजरात सरकारची आहे

18 वर्षांपेक्षा कमी वयाच्या निराधार मुलांना दरमहा 3 हजार मिळतात

निराधार मुलांचे संगोपन करण्यासाठी पैसे सरकार देतं

मूल 18 वर्षांचे झाल्यावर सरकार मदत थांबवते

मात्र, देशातील मुलांना दरमहा 3 हजार रुपये मिळणार हा दावा आमच्या पडताळणीत असत्य ठरलाय...ही योजना निराधार मुलांसाठी गुजरात सरकारने राबवलीय...आपल्या राज्यातही काही निराधार मुलांना सरकार मदत करतं...मात्र, दरमहा केंद्र सरकार 3 हजार देतं हा दावा दिशाभूल करणारा आहे...त्यामुळे तुम्ही अशा मेसेजवर विश्वास ठेवू नका...