Wardha: वर्ध्यातील तळेगावमध्ये दुकानाबाहेर आढळली स्फोटकं; परिसरात खळबळ

चेतन व्यास

वर्धा - जिल्ह्यातील तळेगाव इथे सार्वजनिक ठिकाणी स्फोटकं आढळल्याने परिसरात एकच खळबळ उडाली आहे. वर्ध्यातील (Wardha) तळेगावमधील एका डेली नीड्स या दुकानाच्या बाहेर स्फोटकं आढळून आली आहे. सीडीएट या कंपनीतील ही स्फोटकं असून ती बाहेर कशी आणि कोणी आणली या बाबत पोलिसांकडून तपास करण्यात येत आहे.

डेली नीड्सचे मालक दत्ता पुसदेकर हे नेहमीप्रमाणे सकाळी आपलं दुकान उघडण्यासाठी आले. त्यानंतर दुकानाची साफसफाई करताना त्यांना दुकानाच्या बाहेर एका कागदामध्ये तीन नळकांड्या गुंडाळलेल्या अवस्थेत आढळल्या. दत्ता पुसदेकर यांनी ही बाब त्यांच्या मित्राच्या लक्षात आणून दिली.

हे देखील पाहा -

त्यांनी याची माहिती तळेगाव पोलिसांना दिली. घटनेची माहिती मिळताच पोलीस घटनास्थळी दाखल झाले. पोलिसांनी घटनास्थळी जातं या नळकांड्या जप्त केल्या आहेत.ही स्फोटकं सीडीएट या कंपनीमधील असल्याचं समोर आलं. मात्र ही स्फोटके कंपनीबाहेर आलीच कशी? असा प्रश्न सध्या उपस्थित करण्यात येत आहे.

कांड्यासोबत एक चिठी असल्याची माहिती समोर येत आहे. त्यात सीडेट एक्सपलोसिव्ह कंपनीच्या अधिकाऱ्याच नाव असल्याची माहिती देण्यात आली आहे. या कांड्या कोणी आणी कश्या आणल्या या बाबत पोलीस पुढील तपास करत आहेत.

Edited By - Shivani Tichkule