हिंगोली : हिंगोलीच्या (Hingoli) सेनगाव तालुक्यातील कहाकर गावामध्ये शेतात हळद शिजवत असताना हळद प्रेशरचा अचानक स्फोट होऊन चार मजूर गंभीर जखमी झाल्याची दुर्दैवी घटना घडली आहे. यामध्ये 2 मजुरांच्या अंगावर प्रेशर कुकर मधील उकळते पाणी उडाल्याने त्यांची प्रकृती गंभीर असून जखमींवर अकोला व वाशीम (Washim) येथील रुग्णालयात उपचार सुरू आहेत.
सद्या हिंगोली जिल्ह्यात हळद (Turmeric) काढणीचे काम जोमात सुरू असून, यासाठी मजूर रात्रीच्या सुमारास हळद शिजविण्याचे काम करत आहेत, आज सकाळच्या सुमारास कहाकर गावातील शेतकरी प्रभाकर पोळघट यांच्या शेतातील हळद या गावातील मजूर प्रेशर कुकरमध्ये शिजवत होते, या वेळी अचानक हा स्फोट झाला, या स्फोटाच्या आवाजाने अनेक नागरिकांनी घटनास्थळी धाव घेत जखमींना रुग्णालयात पाठवण्यात आलं आहे.
Edited By - Jagdish Patil
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
