Esakal: देशात भारी! मराठी डिजिटल मीडियात ई-सकाळ 'लय भारी'

Maharsahtra no 1 website: सकाळ माध्यम समूहाला पत्रकारितेतील समृद्ध वारसा लाभला आहे शिवाय या क्षेत्रात त्यांच्या तब्बल ९३ वर्षांचा दाडगा अनुभव आहे.याचबरोबर,डिजिटल प्लॅटफॉर्मच्या प्रवासाला पण पाहता पाहता २५ वर्ष पूर्ण झाली आहेत. गेल्या २५ वर्षापूर्वी अर्थात २००० साली सरु झालेल्या या पोर्टलने,आता रौप्यमहोत्सवी वर्षात नवा मैलाचा टप्पा गाठला आहे. मराठी डिजिटल माध्यमांच्या क्षेत्रात सकाळ समूहाने आपली अग्रगण्य भूमिका प्रस्थापित केली असून,१ नंबरवर पोहचले आहे.या ई-सकाळ डिजिटल पोर्टला नेहमीच वाचकांचा उत्स्फूर्त प्रतिसाद लाभला आहे.

ई-सकाळने आता तब्बल १३.५ मिलियन युजर्सचा यशस्वी टप्पा पार केला आहे.नवीन वर्षी अर्थात जानेवारी महिन्यात या पोर्टलवर सर्वाधिक युजर्स होते.त्यामुळे महाराष्ट्राचे (Maharashtra) अत्यंत विश्वासू पोर्टल हे ई-सकाळ हे आहे हे वाचकांनी दाखवून दिले.

मराठी डिजिटल माध्यमांत ई-सकाळ अव्वल स्थानावर का?

सकाळ माध्यम समूहाने नेहमीच आपली वेगळी ओळख विश्वासाच्या बळावर निर्माण करण्याचा प्रयत्न केलाय. ई-सकाळ पोर्टलने नेहमीच वाचकांचा विश्वास जपला आहे शिवाय तथ्य पडताळणीपासून ते निःपक्षपाती आणि अचूक बातम्या वाचकांपर्यंत पोहोचवण्याचे कार्य यशस्वीपणे पार पाडत आहे.

ऐवढेच नाही तर सकाळ माध्यम समूहाने वाचकांना राजकीय, सामाजिक, (Social) क्रीडा तसेच अर्थकारण, मनोरंजन आणि लाईव्ह अपडेट्स या विविध श्रेणींमध्ये आपली विश्वासार्हता प्रस्थापित करुन ठेवली आहे.