Esakal: जागतिक घडामोडी अन् त्याचे तुमच्यावर होणारे परिणाम; सर्वकाही वाचता येणार एका क्लिकवर; वाचा सकाळचं नवं न्यूजलेटर

सकाळ माध्यम समूह नेहमीच जगभरासह देशातील सर्व महत्त्वाच्या घडामोडी वाचकांपर्यंत पोहचवण्याचे काम करते. वाचकांपर्यंत अचून माहिती पोहचावी, याची जबाबदारी सकाळने घेतले आहे. आता त्यानंतर सकाळ माध्यम समूह आणि आणि एपी ग्लोबलेतर्फे नवीन साप्ताहिक वितरित केले जाणार आहे. द ग्लोबल ब्रीफ असं या साप्ताहिक न्यूजलेटरचे नाव असणार आहे.

सध्याच्या काळात संपूर्ण जग परस्परावर अवलंबून असते. जागतिक पातळीवर घडणाऱ्या घटनांचा परिणाम अनेकदा स्थानिक पातळीवर होतो. दूर कुठे घडलेल्या घटनांचे पडसाद जगाच्या दुसऱ्या कोपऱ्यातही जाणवतात. त्यामुळेच जगभरात घडणाऱ्या प्रत्येक गोष्टीची माहिती असायलाच हवी. जागतिक घडामोडी, त्याचे परिणाम माहित करुन घेणे महत्त्वाचे झाले आहे. त्याचमुळे या नवीन न्यूजलेटरला सुरुवात करण्याचा निर्णय घेतला आहे.

दर आठवड्याला साप्ताहिक न्यूजलेटर प्रसिद्ध केले जाणार आहे. यामध्ये जगातील सर्व घडमोडी, धोरणात्मक निर्णय आणि त्याचे विश्लेषण, संबंधित तज्ज्ञांचे मत याबाबत सविस्तर माहिती असणार आहे. एखाद्या घटनेची तीव्रता, त्यामागील कारणे आणि परिणाम या सगळ्याचा आढावा यामध्ये असणार आहे.

प्रत्येक नागरिकासाठी हे न्यूजलेटर आवश्यक आहे. प्रत्येकाला अवघ्या काही क्लिकवर जगभरातील सर्व माहिती मिळणार आहे. स्पर्धा परीक्षेची तयारी करणाऱ्या मुलांसाठी हे न्यूजलेटर उपयुक्त ठरणार आहे. याचसोबत अनेक तज्ज्ञांची मते आणि विश्लेषणे वाचायला मिळणार आहे.